ထူးချွန်ကျောင်းသားလေး Frankie That အကြောင်း...

SPECtarian of 2025: Frankie That

အားလုံးပဲ​မင်္ဂလာပါ ခင်ဗျာ…

ကျွန်တော်တို့ရဲ့ Success Prep Education Center ကနေ နှစ်စဉ် မွေးထုတ်ပေးနေတဲ့ ပညာတော်သင်ဆုရ ကျောင်းသူကျောင်းသားများ စာရင်းထဲကို နောက်တစ်ယောက် ထပ်မံ ဖြည့်သွင်းနိုင်ခဲ့ပြီ ဖြစ်ပါတယ်။ သူကတော့ မြန်မာအမေရိကန်ကျောင်းသားလေး Frankie That ပဲ ဖြစ်ပါတယ်။

Frankie That ဟာ သူလျှောက်ခဲ့တဲ့ တက္ကသိုလ် ကောလိပ်စုစုပေါင်း ၁၄ ကျောင်းကနေ ထိုက်တန်တဲ့ စကောလားရှစ်တွေကို ရရှိခဲ့ပါတယ်။ သူရရှိခဲ့တဲ့ စကောလားရှစ် ပမာဏတွေကို ပေါင်းလိုက်မယ်ဆိုရင် စုစုပေါင်း အမေရိကန် ဒေါ်လာ ၁ ဒဿမ ၂ သန်းကျော် ဖြစ်ပါတယ်။

Success Prep နှင့် စတင်တွေ့ရှိခဲ့ပုံ

Frankie ဟာ Success Prep မှာ SAT အတွက် အပြင်းအထန် လေ့ကျင့်ပြင်ဆင်ဖို့ သူ့အဒေါ်ကနေတဆင့် စုံစမ်းမေးမြန်းရင်း Brooklyn Center မှာ ကျွန်တော်နဲ့ စတင်တွေ့ဆုံခဲ့တာပဲ ဖြစ်ပါတယ်။

မကာအိုနိုင်ငံမှာ နေသားကျနေပေမယ့် သူ့ရဲ့ ဘဝရှေ့ရေးအတွက် အမေရိကန်နိုင်ငံကို ပြောင်းရွှေ့လာခဲ့တာ ဖြစ်ကြောင်း သူ့အဒေါ်က ရှင်းပြရင်း SAT အတွက်သာမကဘဲ တခြားလိုအပ်တဲ့ လမ်းညွှန်မှုတွေ ပြုလုပ်ပေးဖို့ ပြောလာခဲ့ပါတယ်။

သူ့ကို စသင်တဲ့အချိန်မှာ သူ့ရဲ့ သင်္ချာတွက်ချက်နိုင်စွမ်းနဲ့ စဉ်းစားနိုင်စွမ်းက တော်တော်လေးကောင်းတာကို သတိထားခဲ့မိတယ်။ အင်္ဂလိပ်စာပိုင်းကို အားဖြည့်သင်ကြားရင်း သူ့အားသာချက်ကိုလည်း ပိုမိုအားကောင်းအောင် ကျွန်တော်တို့ရဲ့ SPEC ဆရာ၊ ဆရာမများက အစွမ်းကုန် ကြိုးစားပေးခဲ့ကြပါတယ်။

Frankie That 'Class of 2029

ကျောင်းပြင်ပလှုပ်ရှားမှု (Extracurricular Activities)

ကျောင်းပြင်ပလှုပ်ရှားမှု (Extracurricular) ပိုင်းမှာလည်း အားမနည်းရအောင် သူ့ကို အားပေးလမ်းညွှန်ခဲ့တဲ့အချိန်မှာ သူဝါသနာပါတဲ့ ကြက်တောင်ရိုက်အားကစားနည်းကို အခြေခံပြိး Badminton Club မှာ မန်နေဂျာဖြစ်လာတာမျိုး၊ ထူးချွန်တဲ့ သင်္ချာပညာရပ်ကို အခြေခံတဲ့ Math Club မှာ အသင်းဝင်ပြီး ပြိုင်ပွဲတွေဝင်တဲ့အခါ ပထမရလာတာမျိုးတွေထိ သူ့ဖက်က ခေါင်းဆောင်မှု အရည်အသွေးတွေကို တဖြည်းဖြည်း ပြသလာနိုင်ခဲ့ပါတယ်။

ကျောင်းစာမှာဆိုရင်လည်း GPA 4.0 အထက်မှာ ရှိနေတာမျိုး၊ AP Calculus, AP Physics, AP Chinese, AP Computer Science, AP Statistics စတဲ့ ခက်ခဲတဲ့ ဘာသာရပ်တွေမှာ အမြင့်ဆုံးအမှတ်ဖြစ်တဲ့ 5 ထိ ရအောင် ကြိုးစားဖြေဆိုနိုင်တာမျိုးတွေထိ ပညာရေးပိုင်းမှာလည်း ထိန်းထားနိုင်ခဲ့ပါတယ်။

ကျောင်းလျှောက်ရမယ့် အချိန်ရောက်လာချိန်မှာတော့ မကာအိုကနေ အမေရိကားကို ပြောင်းလာပြီး နယ်မြေသစ်မှာ ရုန်းကန်ရင်ဆိုင်ခဲ့ရတဲ့ စိတ်ပိုင်းဆိုင်ရာ စိန်ခေါ်မှုတွေကို အခြေခံပြီး အက်ဆေးကောင်းကောင်းလေးတစ်ပုဒ်ကို သူနဲ့ကျွန်တော် အတူတူ ရေးဖြစ်ခဲ့ကြတယ်။

အကြိမ်ပေါင်းများစွာ ရေးလိုက်၊ ဖျက်လိုက်၊ ပြင်လိုက် လုပ်ပြီးချိန်မှာတော့ ပြန်ဖတ်တိုင်း မျက်ရည်ဝဲပြီး ခွန်အားတွေ ဖြစ်စေခဲ့တဲ့ အက်ဆေးကောင်းလေးတစ်ပုဒ်ကို အပြီးသတ်နိုင်ခဲ့ကြတယ်။

အက်ဆေးခေါင်းစဉ်လေး နာမည်က New Horizon တဲ့…

ဝင်ခွင့်ရရှိခဲ့တဲ့ တက္ကသိုလ်များနဲ့ ရရှိခဲ့တဲ့ ပညာတော်သင်ဆုများ

ဘဝနာပြီး ကြိုးစားအားကောင်းတဲ့ ထူးချွန်ကျောင်းသားလေး Frankie ဟာ အောက်ပါတက္ကသိုလ် ကောလိပ်များဆီကနေ ပညာတော်သင်ဆုများကို ရရှိခဲ့ပါတယ်။

ပညာတော်သင်ဆုရ Private Universities and Institutions

• Rochester Institute of Technology (New York), $69,460/Year, Total Award: $277,840

  
  

• Cooper Union (New York), $69,546/Year, Total Award: $278,184

  
  

• Drexel University (Pennsylvania), $48,495/Year, Total Award: $193,980

  
  

• Rensselaer Polytechnic Institute (New York), $65,060/Year, Total Award: $260,240

  
  

• New York Institute of Technology (New York), $53,560/Year, Total Award: $214,240

  
  

Total Award From Private Institutions: $1,224,484 (1.23 millions)

ပညာတော်သင်ဆု အပြည့်ရ Public Universities and Colleges)

Full Ride Scholarship

• Stoney Brook University

  
  

• Binghamton University

  
  

• University of Buffalo

  
  

• SUNy Polytechnic Institute

  
  

• Baruch College

  
  

• Hunter College

  
  

• City Tech

  
  

• John Jay

  
  

• Queens College

  
  

Hall of Fame မှာ မှတ်တမ်းရေးထိုး

အခုလိုမျိုး ဘဝကို ရိုးရိုးရှင်းရှင်းလေး နေထိုင်ပြီး မြင့်မားတဲ့ ရည်မှန်းချက်တွေကို ရောက်အောင်၊ ရအောင် ကျားကုတ်ကျားခဲ ဆွတ်ခူးကြိုးစားနိုင်ခဲ့တဲ့ ကျောင်းသားလေး Frankie That ကို ကျွန်တော်တို့ရဲ့ Success Prep Education Center မှာ SPECtarian of 2025 အဖြစ် မှတ်တမ်းရေးထိုးလိုက်ပါတယ်။

Data Science နဲ့ Artificial Intelligence ကို စိတ်ဝင်စားတဲ့ ချစ်တပည့်လေး Frankie That တစ်ယောက် ရှေ့ဆက်လျှောက်လှမ်းရမယ့် ဘဝခရီးမှာ အောင်မြင်မှုတွေ အလီလီ ဆက်လက်ဆွတ်ခူး ရရှိနိုင်ပါစေလို့ Success Prep ရဲ့ ဆရာ၊ ဆရာမများက ဆုမွန်ကောင်း တောင်းပေးလိုက်ပါတယ်။

အားလုံးကို ချစ်ခင်လေးစားလျက်

“Believing is Achieving!”

Success Prep Education Center

Center I

8829 51st Avenue

Elmhurst, NY 11373

United States of America

+ (1) 347 612 4561

Center II

1766 Cropsey Avenue

Brooklyn, NY 11214

United States of America

+ (1) 929 412 2884

Center III

183 W El Repetto Dr

Monterey Park, CA 91754

United States of America

+ (1) 626 464 3058